வடக்கில் மட்டும் சில
வடுக்கள் எஞ்சின !
தெற்கோ வெற்றி வாகை சூடியது !
எங்கும் எதிரொலித்தது
"தீவிரவாதம் ஒழிந்தது"
யுத்தம் முடிகிறது ......
ஊடகங்களில் நேரடி வர்ணனை !
தளபதிகள் கதாநாயகர் பட்டியலில் !
வீதிகள் தோறும்
வெற்றியின் எதிரொலிப்பு !
தேசியக்கொடி விற்போர் பைகள்
முதல் முறையாய் நிரம்பியிருந்தன !
பண்டிகை இல்லை பட்டாசுகள்
விலைப்பட்டன !
வாசல்கள்தோறும் கொடிகளின்
அலங்காரம் !
ஆனால் , அவள் வீட்டில் மட்டும்
அமங்கலத்தின்அடையாளம்!
இனி யுத்தம் நாட்டில் இல்லை
காதல் யுத்தம் அவள் வீட்டிலும் இல்லை !
ஏனெனில் ,
யுத்தம் காவு கொண்டது
வயிற்றுப்பசிக்கு ஆயுதம் தரித்த
அவள் அன்புக்கணவனையல்லவா ?
